БУДӥмы! 218 интыын бадӟым удмурт диктант (БУД) гожтӥзы

Удмуртиын сяна, Татарстан, Башкортостан но Марий Эл Республикаосын, Пермь крайын, Киров улосын, Москваын площадкаос ужазы.

15-тӥез удмурт диктант сӥземын вал Россиысь Калыкъёслэн эшъяськон арзылы. Диктантлэсь текстсэ гожтӥз «Удмурт Кенеш» огазеяськонлэн ёзчиез Наталья Михайлова Наталья Михайлова. Мылкыд карисьёс пӧртэм амалъёсъя диктант гожтӥзы: кин ке «Мынам Удмуртие» радиоез яке «Удмуртия» телеканалэз кылзыса, кин ке нимысьтыз чаклам интыосы лыктыса. Ижын улӥсьёс 12-тӥ интыын диктант гожтӥзы ке, валтӥсь площадка ужаз Эшъяськон юртын, текстэз лыдӟиз Удмуртиысь дано журналист Светлана Пикулева.

Ужрадэ люкаськемъёс пӧлын тросгес вал Йӧскалык прессалэн юртаз ужасьёс. Диктант гожтэм бере вань мылкыд карисьёс «Малпатон» квизэ (шудонэ) пыриськизы. Вормон понна 5 команда нюръяськиз…

Валентина Емельянова.