Этнографияя бадӟым диктант кунамы офлайн амалэн гинэ радъяськоз

Этнографияя бадӟым диктант кунамы офлайн амалэн гинэ радъяськоз

Вераны кулэ, таяз арын акция офлайн амалэн гинэ радъяськоз. Диктант 3-тӥ шуркынмонысен 12-тӥ гожтыны луоз элькунысь но карысь пӧртэм площадкаосын. Этнографияя диктант сярысь ивортӥз Нациосын ужан политикая министрлэсь ужзэ быдэсъясь Эдуард Петров:
— Кылем арын диктантэз гожтӥз 4 миллион адями — Россиысь 89 улосъёсысь но, кунгож сьӧрысь но. Площадкаос пӧртэм интыосын радъямын вал — самолётъёсын но, Антарктидаын но. Со вакытэ Удмуртилэн делегациез пыриськоз Россиысь калыкъёслэн форумазы — соос диктантэз Москваын гожтозы.

Туэ диктант ортчоз Калыкъёслэн эшъяськонзылы сӥзем арез пусъён улсын. Озьы ик шаерамы усьтэмын луозы 218 площадкаос. Валтӥсез ужалоз Калык эшъяськон юртын. Площадкаослэсь кытын интыяськемзэс тодыны луоз татын Министерство Национальной Политики Удмуртии.