Удмурт кылын кылбур лыдӟонъя «Вордӥськем музъеме…» онлайн-акция радъяське

Удмурт кылын кылбур лыдӟонъя «Вордӥськем музъеме…» онлайн-акция радъяське

Удмуртиын вань мылкыд карисьёсты удмурт кылын кылбур лыдӟонъя «Вордӥськем музъеме…» онлайн-акцие пыриськыны ӧтё. Со 4-тӥ шуркынмонэ пусйиськись элькунмылэн Кунлык нуналэзлы сӥземын. Вожвылъяськонэз «Удмурт Кенеш» огазеяськон радъя.

Акцие пыриськон понна кылбурез лыдӟемен видео гожто. Бӧрысь сое «ВКонтакте» мерлыко вотэсысь бамады поттоно. Вожвылъяськонэ пыриськисьлэсь нимтулзэ, кытысь луэмзэ, кылбурлэсь авторзэ гожтоно. Одно ик #УдмуртКенеш #УдмуртКыл #ВордӥськемМузъеме #УдмуртилэнКунлыкНуналэз хештегъёс ватсано. Акция мынон дыръя бамды усьтэмын луыны кулэ.

Тужгес но усто лыдӟисьёс кузьымъёсын пусъемын луозы.