Удмуртиыcь школьникъёс «Родина – значит вместе!» элькун вожвылъяськонэ пырисько

Удмуртиыcь школьникъёс «Родина – значит вместе!» элькун вожвылъяськонэ пырисько

Удмуртиын «Родина – значит вместе!» элькун вожвылъяськон азьланьтӥське. Отчы 7-тӥ классын дышетскисьёс пырисько. Ужрад Россиысь калыкъёслэн огъя луэмзылэн арезлы тупатэмын но 30-тӥ шуркынмонозь кыстӥськоз.

Вожвылъяськон «Единый урок дружбы» югдытон программаез азьланьтэ. Конкурс улсын пиналъёс арнялы быдэ заданиосты быдэсъяло, шудонъёс малпало, видеороликъёс но мукет творческой ужъёс дасяло. Ужазы куто «Родина – значит вместе!» конструкторез но «Единство народов Удмуртии» интерактивной стендэз. Та кык бичетэз элькунысь 500 школа басьтӥз.

«Котькуд арня «Единый урок дружбы« проектлэн «ВКонтакте» мерлыко вотэсысь огиназ выль задание поттӥськомы. Оглом тямыс задание луоз, котькудӥзлы сизьым нунал висъяське. Сыӵе формат школаын дышетскисьёслы выльзэ тодыны, озьы ик командаын ужаны но ас малпанъёссэс шараяны луонлык сётэ. Ужъёссэс соос школазылэн бамаз яке «Единый урок дружбы» огинэ потто», – вераз
Удмуртиысь Калыкъёслэн эшъяськон юртсылэн кивалтӥсез Юлия Шахтина.

Радъясьёс 10 устозэ командаез быръёзы. Йылпумъянъёсты 1-тӥ толсур бере мерлыко вотэсысь огинэ поттозы. Вормисьёс элькунысь Калыкъёслэн эшъяськон юртысьтызы музей-лабораторие вуылозы но кузьымъёс басьтозы. Вань пыриськисьёслы сертификатъёс сётозы.