Профессорлы, история наукаосъя докторлы Галина Аркадьевна Никитиналы буре ваён пумиськон ортчиз

Профессорлы, история наукаосъя докторлы Галина Аркадьевна Никитиналы буре ваён пумиськон ортчиз

Профессорлы, история наукаосъя докторлы Галина Аркадьевна Никитиналы та нуналъёсы тырмысал 75 арес.

Галина Аркадьевна удмурт калыклэн одӥгез яркыт азьветлӥсез вал, Историяя, кылъя но литературая удмурт институтлэн директорезлэн воштӥсез. Кивалтӥз "Удмурт нылкышно кенеш" огазеяськонэн, "Удмурт Кенеш" огазеяськонлэн исполкомезлэн ёзчиез вал. Пумъемын К. Герд нимо премиен.

Выжыезъя Галина Аркадьевна Эгра ёросысь. Татысь Мазьги гуртын вордӥськиз 1957 арын 27 октябре.

Галина Аркадевнаез буре вайыса, институтысь библиотекаын нимысьтыз адӟытон усьтӥськиз. Татысь учкыны луиз тодосчилэн библиотекаысьтыз книгаосты, лыдӟыны тунсыко автографъёсты. Тодэ ваёнъёссэс веразы дышетэм аспирантъёсыз - институтлэн али директорез Игорь Поздеев, Эшъяськон юртлэн кивалтӥсез Юлия Шахтина но мукетъёс, ӵош ужам эшъёсыз - тодосчиос Людмила Кириллова, Светлана Смирнова... "Удмурт нылкышно кенеш" oгазеяськонлэн али кивалтӥсез Елена Миннигараева озьы ик тодэ ваёнъёссэ, ӟеч кылъёссэ вераз. Пусъемын вал, Галина Аркадьевна "Удмурт дунне" газетлэн матысь эшез вал. Котькуд номерез пыр-поч лыдӟылӥз, ужаз кутылӥз.