«Читай, Ижевск!» книга фестиваль ортчоз Ижкарын

«Читай, Ижевск!» книга фестиваль ортчоз Ижкарын
Удмуртиысь кивалтэтлэн юртэз сьӧрын 13-тӥез лыдзиськыны яратисъёс понна ужрад ортчоз 11-13 куарусёнэ.

Фестивале лыктэмъёс «Большая страна – Большая книга» федерал ӵектос улсын писательёсын, «Большая книга» йӧскалык премилэн лауреатъёсыныз но финалистъёсыныз пумиськозы.

«Живая книга путешествий» лекторийын Россилэн инкуазь но лулчеберет кылёсэз сярысь тодыны луоз. Озьы ик дуннеез котыръяны яратисъёс зэмос луэм учыръёссэс, аспӧртэмлыко маршрутъёс но кунмылэн ӧжытгес тодмо сэрегъёсыз сярысь мадёзы.

Со сяна, книгаосын тодматонъёс ортчозы. Кылсярысь, 12-тӥ куарусёнэ 12 часын «Лекторий» площадкаын кылосбур тодосъя кандидат, Москваысь А. М. Горький нимо литература институтысь доцент Вера Пантелеева «Наизусть. 60 житейский историй от барышни-крестьянки» выль книгаеныз тодматоз. Со вералоз, малы аслэсьтыз тодэ ваёнъёссэ шарае поттыны малпаз, валэктоз, кызьы тодэ ваёнъёсты чеберлыко текстлы пӧрмытыны. Озьы ик авограф-сессия луоз.

Куинь нунал ӵоже ик книгаосын ярмарка ужалоз. Отчы 30-лэсь трос издательствоос пыриськозы.

Нылпи площадкаосын мастер-классъёс, шара лыдӟонъёс, шудонъёс, вожвылъяськонъёс но яратоно книгаосъя спектакльёс ортчозы.

Ӝытъёсы крезьгурлэн пӧртэм жанръёсызъя концертъёс радъяськозы.

Туспуктэм: "Читай, Ижевск!" сайт