Вашкала удмурт кырӟанъёс чузъяськозы Москваын Надежда Бабкиналэн театрезлэн сцена вылаз

Москваысь «Русская песня» государственной академической театрын 19-тӥ октябре Газманов-Родники движенилэн «Родники. Истоки» проектэзлэн йылпумъян концертаз Удмуртиысь 4 коллективъёс пыриськозы

Москваысь «Русская песня» государственной академической театрын 19-тӥ октябре Газманов-Родники движенилэн «Родники. Истоки» проектэзлэн йылпумъян концертэз ортчоз. Отчы Удмуртиысь ньыль коллектив пыриськоз. Со сярысь республикалэн тӧроезлэн но правительствоезлэн пресс-службазы ивортӥз.

Удмуртиысь «Брангуртысь песянайёс» кык кырӟанэз быдэстозы, огезлы 400 ар пала ни. Ижкарысь Кузебай Герд нимо йӧскалык гимназиысь «Крезь куара» фольклор ансамбль «Бергаса шудонэз» быдэстоз. Дэбесысь «Шудбур» ансамбль сцена вылэ потоз «Туала заной» кырӟанэн. Озьы ик концертэ пыриськоз Искусствоосъя республиканской нылпи школаысь «Шудон» ансамбль.

Проект Президентлэн культурной инициативаосъя фондэз юрттэмен Россиысь калыкъёслэн огъя луэмзлыэн арлы сӥзем ужрадъёс улсын быдэстӥське. Культурной наследиез утён, калык крезьгурез вӧлмытон, вордскем шаер понна данъяськон мылкыдэз ӝутон, патриотъёсты будэтон Россилэн президентэзлэн Владимир Путинлэн решениезъя быдэсъяськись «Семья» национальной проектлэн валтӥсь цельёсыз луо.