Шарканысь Игорь Гуменников «Отец года – 2026» вожвылъяськонын вормиз

Шарканысь Игорь Гуменников «Отец года – 2026» вожвылъяськонын вормиз.

Видеоосъя вожвылъяськонын вормисьлэсь нимзэ ӵапак Атайлэн нуналаз, 18-тӥ коньывуонэ, шараязы.

Трос нылпиё атай Игорь Гуменников аслэсьтыз одӥг нуналзэ возьматӥз. Экшен-камера пыр адӟыны луэ солэсь огаз кӧснуналэ ӵукнаысен пиналъёсызлы сиён дасямзэ, коркаез утялтэмзэ но семьяен инкуазьын шутэтскыны дасямзэ. Номыр юри лэсьтэмын ӧвӧл, видеоын зэмос улон, сюлмаськон но нылпиослэн шумпотонзы.

Вожвылъяськонэ Россилэн улосвылысьтыз 800 пала ужъёс вуизы. Вормисез нылпи жюриысь экспертъёс бырйизы.

Конкрусын вормись «Отец года» ним басьтэм сяна, огаз кунокуаын семьяеныз шутэтскыны быгатоз. Озьы ик Игорь Гуменниковлэн ужысьтыз люкетсэ «Хоккейные папы 2» фильме пыртозы.

Туспуктэм: видеоысь скриншот «ВКонтакте», Игорь Гуменников