Удмуртиысь 12 школаосын дышетскисьёсты этнопедагогической классъёсы пыртон ортчиз

Удмуртиысь 12 школаосын дышетскисьёсты этнопедагогической классъёсы пыртон ортчиз

Глазкарысь В. Г. Короленко нимо инженерно-педагогической университетын Удмуртиысь 12 школаосын дышетскисьёсты этнопедагогической классъёсы пыртон ортчиз. Азьланяз соос элькунлэсь кылёсбурзэ утьыны но узырмытыны быгатӥсь выль поколениысь дышетӥсьёс луозы.

Ӵектосэз быдэстон площадка Глазкарысь университет луиз.

«Профильной классъёсты усьтыса, ми тыршиськомы, бадӟым классъёсын дышетскисьёс дышетӥсьлэсь удысужзэ валаса мед быръёзы шуыса. Кыкетӥез ужпум – выпускникъёс вордскем гуртъёсазы, асьсэ школаосазы мед берытскозы. Короленковской университет дась этнопедагогической классъёсын улосвыл вотэс кылдытонъя методологической центр луыны. Ми аспӧртэмлыко элькунмылэсь кылёссэ утьыны, озьы ик сое пиналъёсты визьноданын улэп, ужась тӥрлыклы пӧрмытыны кулэ», – пусйиз университетлэн кивалтӥсез Янина Чиговская-Назарова.

Ужрадын пиналъёс университетэн тодматскизы, интерактивной лекциосты кылзӥзы, бадӟым курсъёсын дышетскись студентъёсын вераськизы.