Удмуртиысь Йӧскалык библиотека Россиысь устоез улосвыл библиотекаен лыдъямын

Удмуртиысь Йӧскалык библиотека Россиысь устоез улосвыл библиотекаен лыдъямын.

Удмуртиысь Йӧскалык лыдӟетъюрт Россиысь лулчеберетъя министерстволэн премиезлэн «Лучшая региональная библиотека» номинацияз лауреат луиз. Данъян ужрад Москваын 23-тӥ коньывуонэ ортчиз.

Премиез сёто 14-22 аресъем егитъёслы мерлыко юрттэт сётонъя программаез азинтонэ, озьы ик «Пушкинская карта» программа улсын лулчеберет ужъюртъёсы ветлыны луонлыкез будэтонэ бадӟым ватсэт пыртэмзы понна.