Флор Васильев нимо лыдӟетъюртысь валтӥсь библиотекарь огъяросси вожвылъяськонлэн финалаз шедиз

Флор Васильев нимо лыдӟетъюртысь валтӥсь библиотекарь огъяросси вожвылъяськонлэн финалаз шедиз

«Библиотекарь года – 2026» огъяросси вожвылъяськонлэн 20 финалистъёсыз тодмо луизы. Соос пӧлы Ижкарысь Флор Васильев нимо модельной лыдӟетъюртысь валтӥсь библиотекарь Алёна Кириллова шедиз.

Алёна Кириллова лыдӟиськонниын 5 ар ужа ни. Али со шаертодонъя абонементын тырше. Нылмурт ӵектосъёс бордын ужа, кудъёссэ бӧрысь ужъюртын улонэ пыӵато. Со сяна, ӧнерчи пӧртэм конференциосы пыриське, лыдӟиськонниын ужамзы сярысь вера. Озьы ик лыдӟетъюртын лыдӟетъюртын удмурт кылъя курсъёс нуэ. Котькуд занятиез тунсыко карыны тырше.

«Библиотекарьлэн ужез книгаосты сётонлэсь кыдёке кыстӥське. Со пӧртэм рольёсты но ужъёсты эскерыны луонлык сётэ. Татын котькуд нунал творчествоен тырмемын – ужрадъёсты радъян, библиотекалэсь вотэсбамзэ нуон, проектъёс кылдытон но тунсыко адямиосын кусып возён», – вера Алёна Кириллова.

Оглом вожвылъяськонэ 77 улосвылысь 353 куриськон вуиз. Ӧнерчиослы асьсэос сярысь видео дасяно но ӵектэм темаосъя эссе гожтоно вал. Вормисьёслэсь нимъёссэс 11-тӥ шуркынмонэ Санкт-Петербургын шараялозы.

Туспуктэм: Карина Русинова