«Марий форум: сӥзьыл сессия» межрегиональной пор форум быдэс кунысь активистъёсты люказ

«Марий форум: сӥзьыл сессия» межрегиональной пор форум быдэс кунысь активистъёсты люказ.

23-тӥ-24-тӥ коньывуонэ Калыкъёслэн эшъяськон юртазы ортчиз «Марий форум: сӥзьыл сессия» межрегиональной форум, сое радъяз пор калыклэн «Всемарийский совет» межрегиональной общественной движениез.

Бадӟым пумиськон огазеяз пор мерлыко огазеяськонъёслэсь 110 кивалтӥсьёссэс но активистъёссэс. Форуме люкаськизы Россиысь пӧртэм серегъёсысьтыз делегациос: Москва, Ленинград но Тюмень улосъёс, Крым, Татарстан, Башкортостан, Чувашия, Пермь шаер, Марий Эл но Удмуртия.

Программалэн бадӟым люкетэз луиз ужан амалъёсын тодматскон. «Одо Мари Ушем» элькун мер огазеяськонлэн ёзчиосыз делегациосты удмурт лулчеберетэн тодматӥзы, озьы ик асьсэлэн быдэстоно ӵектосъёсынызы но выль малпанъёсынызы тодматӥзы. Форуме пыриськисьёс пор кылэз но лулчеберетэз утён но азинтон, йӧскалык асваланэз юнматон, озьы ик егитъёсты мерлыко уже кыскон ласянь валтӥсь ужпумъёсты эскеризы.

Форум йӧскалык ужпумъёсты серттыны-пертчыны кужымез огазеян понна туж кулэ площадка луиз. Таӵе пумиськонъёс юртто шаерысьтымы пӧртэм сэрегъёсысь общественной организациослы ӵош ужаны, калыкъёслэн культурной наследизы, кылзы но сям-йылолъёссы азьланяз но мед улозы но вуоно поколениослы мед сётӥськозы шуыса.

Ужрад ортчиз Россиысь калыкъёслэн огазеяськон Арзы улсын.